«Olmaliq KMK» AJ sharoitida ekspluatatsiya qilinayotgan avtomobil transport vositalari shinalariga ta’sir qiluvchi omillar tasnifi
DOI:
https://doi.org/10.56143/Ключевые слова:
karer transporti, OTR (Off-The-Road tires) shinalar, shina resursi, abraziv yeyilish, issiqlik rejimi, burilish radiusi, ichki bosim, texnologik yo‘llar, kon samosvali, ekspluatatsion omillarАннотация
Mazkur maqolada “Olmaliq KMK” AJ yirik tog‘-kon va ishlab chiqarish majmualari sharoitida ekspluatatsiya qilinayotgan avtomobil transport vositalari shinalariga ta’sir etuvchi omillar tizimli tasnif qilindi. Tadqiqotning dolzarbligi shundan iboratki, karer yo‘llari, maydalash-saralash hududlari, ombor maydonlari, yuklash-jo‘natish zonalari va texnik xizmat ko‘rsatish punktlarida harakatlanadigan samosval, yuklagich, avtokran hamda yordamchi transport vositalari shinalari oddiy avtomobil yo‘llaridagi shinalarga nisbatan ancha yuqori abraziv, dinamik, termik va mexanik yuklamalarda ishlaydi.
Ishda yo‘l qoplamasining abrazivligi, yo‘l nishabligi, burilish radiusi, o‘tkir tosh va chiqindilar, namlik, ichki havo bosimi, yuk taqsimoti, haydash uslubi, tezlik rejimi hamda shina harorati asosiy ta’sir etuvchi omillar sifatida baholandi. Natijalar shuni ko‘rsatadiki, shina resursi faqat bosib o‘tilgan masofaga emas, balki rezinaning eskirishi, issiqlik to‘planishi, kesilish va teshilish xavfi, yo‘l geometriyasi hamda texnik xizmat intizomiga ham bevosita bog‘liq. Tadqiqot yakunida shina resursini uzaytirishga qaratilgan yo‘l xo‘jaligi, ekspluatatsion va texnik boshqaruv tavsiyalari ishlab chiqildi.
