Sun’iy intellekt asosida havo kemalarida texnik nosozliklarni oldindan bashoratlash

Аннотация

Aviatsiyada sun’iy intellekt (AI) yordamida amalga oshiriladigan oldindan bashorat qiluvchi texnologiyalar samolyotlarga texnik xizmat ko‘rsatish va ekspluatatsiya qilish usullarini tubdan o‘zgartirmoqda. Turli samolyot sensorlaridan olingan ma’lumotlarni tahlil qiluvchi AI algoritmlari ro‘y berishi mumkin bo‘lgan nosozliklarni sodir bo‘lmasidan oldin aniqlay oladi, bu esa o‘z vaqtida va samarali texnik xizmat ko‘rsatishni ta’minlaydi. Ushbu proaktiv yondashuv (muammo yoki vaziyat kelib chiqishidan oldin uni oldindan ko‘ra bilish, oldini olish va tayyor choralar ko‘rish usuli) rejalashtirilmagan kechikishlarni kamaytiradi, xavfsizlikni oshiradi va texnik xizmat xarajatlarini pasaytiradi. Bashoratli texnik xizmatlarda AI dan foydalanish o‘rganish, ma’lumotlarni tahlil qilish va IoT (Internet of things-narsalar interneti) kabi texnologiyalarni qo‘llab, samolyot komponentlarining holatini doimiy ravishda monitoring qilish va tahlil qilish imkonini beradi.