Poyezdlarni qayta ishlashga sarflanadigan vaqt me’yorlarini optimallashtirish masalalari

Аннотация

Ishdan maqsad temir yo‘l stansiyalarining poyezdni qabul qilish va qayta ishlash jarayonidagi belgilangan vaqtdan amaliyotda me’yordan ortiq vaqt yo‘qotishlarni aniqlash va bartaraf etish chora-tadbirlarni ishlab chiqish stansiyaning ish unumdorligini oshirish poyezdlarni bekor turib qolish vaqtini kamaytirish va texnologik ish jarayonlarni samarali tashkil etishdan iborat. Maqsadga erishish uchun tizimli tahlil, analitik va sxematik ifodalash usullaridan foydalanildi. Adabiyotlar tahlilidan ko‘rish mumkinki, temir yo‘l stansiyalarida poyezdlarni qayta ishlash mahalliy va tranzit vagonlarning turish vaqtini kamaytiriashga qaratilgan. Temir yo‘l transportida yuk va yo‘lovchi poyezdlarning oqimi yil sayin ortib borishi texnik stansiyalarda poyezdlarni qabul qilish va qayta ishlash jarayonini yanada takomillashtirishni talab qiladi. Shu bois temir yo‘l stansiyalarida poyezdlarni qabul qilish va qayta ishlashga sarflanadigan vaqt me’yorlarini optimallashtirish muhim ahamiyat kasb etadi. Tadqiqot obyekti “Q” uchastka stansiyasida tranzit poyezdlarini qayta ishlash jarayonlari bo‘yicha xronometrik kuzatuvlar o‘tkazildi. Natijada samarasiz vaqt yo‘qotishlarini kamaytirish bo‘yicha kompleks chora-tadbirlar ishlab chiqildi.